Muqdisho (Lamaane.net) - Safarka Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, uu ku tagay magaalada Laasacaanood, xarunta Dowlad-goboleedka Waqooyi Bari, ayaa ahaa safarkii ugu horreeyay ee Madaxweyne Soomaaliyeed halkaasi ku tago muddo 40 sano kaddib.
Safarkan ayaa xambaarsanaa guulo taariikhi ah iyo dhacdooyin muhiim ah, kuwaas oo kor u qaaday wadajirka, nabadda, iyo horumarka gobolka, isla markaana xoojiyay xiriirka Dowladda Federaalka iyo maamulka Waqooyi Bari.
